In die volgende hoofstuk van The White Lotus word Hawaii vir Italië verruil. Daar is ook ’n nuwe groep vakansiegangers wat na ’n vakansieoord in Sicilië reis.
Albei seisoene is reeds op Showmax beskikbaar, maar vanaf 4 Mei 2023 kan DStv-kykers ook dié fenomenale reeks beleef (en glo ons, dit is beslis ’n belewenis!)
The White Lotus se eerste seisoen het die meeste pryse by die 2022-Emmy’s opgeraap – tien beeldjies in totaal. Onder dié pryse was ook een vir Jennifer Coolidge as beste byspeler in die rol van Tanya. Tanya is dan ook die enigste karakter van die eerste seisoen wat ons in die tweede seisoen sien.
Die nuwe rolverdeling sluit onder andere vir Aubrey Plaza (Parks and Recreation) en The Bold Type se Meghann Fahy in.
Weeklikse episodes vanaf Donderdag, 4 Mei 2023, op ME (DStv-kanaal 115 en op DStv Online) om 22:15. Andersyds, stroom albei seisoene op Showmax.
