The Gryphon – wat al vir die afgelope vyf jaar ontwikkel word – word deur sy skeppers as die grootste Duitse fantasie sedert The NeverEnding Story in 1984 beskou. Drie misfits, Mark, Memo en Becky, ontdek ’n fantasiewêreld genaamd The Black Tower. Hiér heers die sogenaamde Gryphon, ’n monster wat wêrelde verslind en alle lewende wesens genadeloos onderdruk.
Dan vind hulle uit dat Mark die enigste hoop teen die Gryphon is. Maar hy is geen held nie – en hy wil ook nie een wees nie. Hy het genoeg probleme van sy eie om hom besig te hou. Tyd vir monsters veg, is daar nie. Dis totdat sy broer, Thomas, verdwyn…
Mark en sy vrinne moet dan noodgedwonge The Black Tower betree – en die Gryphon die stryd aansê – om Thomas te red.
The Gryphon is vanaf Vrydag, 26 Mei 2023, op Amazon Prime Video beskikbaar om te stroom.
