Dis nie aldag wat ’n reeks 100% op die resensiewebwerf Rotten Tomatoes kry nie, maar The Capture se tweede seisoen is een van min TV-juwele wat dit al reggekry het. Nie dat die eerste seisoen se punt van 92% te versmaai was nie…
Die eerste seisoen het gedraai om Rachel Carey, ’n jong speurder wat ’n komplekse sameswering ontbloot as sy die saak waarin ’n Britse soldaat aangekla word, ondersoek.
Die spil in The Capture draai om of ons regtig kan glo wat ons sien. Brittanje is onder beleg met die media wat gemanipuleer word en grootskaalse politieke inmenging. En Rachel, vertolk deur Holliday Grainger, is in die oog van die storm vasgevang soos sy van als probeer sin maak. Maar hoe gaan sy die saak oplos as sy nie eens haar naaste kollegas kan vertrou nie?
Nou op Showmax beskikbaar om te stroom.
