The Calling vertel oor ’n NYPD-speurder, Avraham Avraham (Jeff Wilbusch van Oslo en Unorthodox), wat deur sy geloofsbeginsels in sy soeke na die waarheid gelei word. As ’n roetine-saak egter skeefloop, begin Avraham sy eie menslikheid bevraagteken.
Die reeks is gegrond op The Missing File, die eerste roman in die bekroonde skrywer Dror Mishani se reeks Avraham Avraham-boeke.
Ook in die rolverdeling tel onder andere Juliana Canfield (Succession se Jess Jordan), Karen Robinson (Ronnie Lee van Schitt’s Creek), Michael Mosley (The Girl from Plainville), Tony Curran (Frankie in Your Honor) en Noel Fisher (Shameless).
Die reeks is deur die Emmy-wenner en veteraan-storieverteller David E. Kelley (Big Little Lies, Love & Death, L.A. Law) geskep.
Vanaf Vrydag, 26 Mei 2023, op Showmax.
