Elke week bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovelas, wat na Afrikaans oorgeklank is, kan uitsien.
Hier is wat hierdie week op Moederhart gaan uitspeel.
Moederhart
Maandag, 20 Mei
Nefise waarsku Muzaffer om haar nie te keer om ’n inkomste te verdien nie. Tugba is geskok toe Nefise saam met Muzaffer by die huis aankom.
Dinsdag, 21 Mei
Suat daag op met ’n rekening vir die skade aan die boot. Rahmi smeek die polisieduikers om nie op te hou soek na Ahmet nie.
Woensdag, 22 Mei
Tugba se jaloesie kry die oorhand. Die waarheid tref vir Asli soos ’n bom. Rahmi se hart verloor die stryd oor die verlies van sy seun.
Donderdag, 23 Mei
Sezai beëindig die vennootskap met Muzaffer. Iemand agtervolg vir Onur en Zeynep en neem foto’s van die twee in mekaar se arms.
Moederhart word Maandae tot Donderdae om 20:00 op kykNET&kie (DStv-kanaal 145) en DStv Stream uitgesaai.
