Elke week bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovelas, wat na Afrikaans oorgeklank is, kan uitsien. Hier is wat op Moederhart en Skerpioen gaan uitspeel.
Moederhart
Maandag, 8 April
Zeynep en Cemre probeer om Emre te bevry. Tugba wurm haarself terug in Muzaffer se huis in.
Dinsdag, 9 April
Cemre leer om te dans en leer ook ’n ander kant van Kaan ken as hulle deur die polisie gejaag word. Ceylan betrap Ahmet en Zeynep in ’n ongemaklike posisie.
Woensdag, 10 April
Cemre beraam ’n slinkse plan om Mert in die hof te kry. Zeynep konfronteer Nefise op ’n kritiese oomblik.
Donderdag, 11 April
Azime kry die resultate van die DNS-toets terug. Ceylan vertel vir Ahmet van haar liefde vir hom.
Moederhart word van Maandag tot Donderdag om 17:30 op kykNET&kie (DStv-kanaal 145) en DStv Stream uitgesaai.
Skerpioen
Maandag, 8 April
Ahmed pers Aras af om met Aysem te trou. Duru wil terug Amerika toe gaan en Perihan gaan sien vir Aras en vra hom om vir Duru te keer.
Dinsdag, 9 April
Ferda het ’n voorwaarde vir Perihan voordat hulle kan saamwerk – sy moet Duru en Aras se verhouding goedkeur. Efe breek op met Merve, en Merve is woedend vir Ferda.
Woensdag, 10 April
Efe kontak Ahmet en vra of hulle kan ontmoet. Merve probeer om vir Efe te waarsku om ten alle koste van die kranksinnige Ahmet weg te bly.
Donderdag, 11 April
Merve bring ’n ernstig gewonde Efe hospitaal toe. Aras sê hy gaan met Aysem trou.
Skerpioen word van Maandag tot Donderdag om 20:00 op kykNET&kie (DStv-kanaal 145) en DStv Stream uitgesaai.
