Elke week bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovelas, wat na Afrikaans oorgeklank is, kan uitsien. Hier is wat op Moederhart en Skerpioen gaan uitspeel.
Moederhart
Maandag, 19 Februarie
Tugba en Zerrin vermoed dat Nefise nie haar ring dra nie omdat dit verkoop is. Muzaffer ondervra Zeynep oor haar liefde vir Onur en sy ontken dit.
Dinsdag, 20 Februarie
Tugba sien hoe Azime die vervalste ring aan Nefise se vinger sit. Ahmet word gearresteer op aanklag van poging tot moord.
Woensdag, 21 Februarie
Dis Nefise en Muzaffer se groot dag. Zeynep word uit die bloute in ’n hoek gedruk.
Donderdag, 22 Februarie
Emre oortuig Aylin om uit die gesteelde Karamaner-motor te klim. Ceylan vertel Kadin sy is verlief op Ahmet.
Moederhart word van Maandag tot Donderdag om 17:30 op kykNET&kie (DStv-kanaal 145) en DStv Stream uitgesaai.
Skerpioen
Maandag, 19 Februarie
Ahmet begin met planne om Gevher Pharmaceuticals-aandele te koop. Daar is krake in beide Duru en Ipek se huwelike.
Dinsdag, 20 Februarie
Ahmet vra Hacer om uit te vind waar Ferda se “ander dogter” is en erken hy is die pa. Ferda verloor haar humeur en verskree die familie.
Woensdag, 21 Februarie
Ferda vra Ahmet om wraak te neem op Fikret. Perihan noem Ferda as ’n verdagte.
Donderdag, 22 Februarie
Hakan daag besope by die huis op en hy en Aras raak handgemeen. Aras slaan per ongeluk vir Ipek raak.
Skerpioen word van Maandag tot Donderdag om 20:00 op kykNET&kie (DStv-kanaal 145) en DStv Stream uitgesaai.
