Kyk uit vir dié ses storielynkinkels in Suidooster in Mei.
1
Danni besluit dit is tyd om Ruiterbosch te groet en dit lei tot ’n plofbare situasie tussen Siya en Aiden.
2
Bridgette en Nazeem besluit om hul verskille opsy te skuif en kragte saam te snoer om Tim se gekonkel te ontbloot. Nazeem se samewerking kom ook teen ’n prys vir Bridgette. Gaan Zoë weer, soos in die verlede, met oogklappe aan haar man se bedrywighede gadeslaan?
3
Tim is in ’n hoek en benoude katte maak immers benoude spronge. Maar hy gaan nie sommer sonder ’n geveg opgee nie…
4
Gary en Justin stel hul visier in op dieselfde meisie. Maar hul mededinging om Noelle se aandag te trek mag dalk ’n verwoestende impak op die twee se vriendskap hê. Maar het Noelle dalk ’n verskuilde agenda?
5
Susan se pogings om Herschel te help, werp vrugte af. Hy kry die kans om ’n nuwe blaadjie om te slaan. Maar nie almal in Ruiterbosch is te gelukkig oor sy teenwoordigheid in hul woonbuurt nie.
6
Daar is ook ’n nuwe inwoner in Ruiterbosch wat dadelik die aandag van die skoner geslag trek.
Kyk Suidooster weeksdae om 18:00 op DStv-kanaal 144 (ook aanlyn op DStv Stream) of ná uitsending op Catch Up
