Raised by Wolves, wat in Suid-Afrika geskiet is, speel af ná die vernietiging van die aarde en draai om twee androïede, Mother (Amanda Collin) en Father (Abubakar Salim), wat mensekinders op ’n geheimsinnige planeet, Kepler-22b, moet grootmaak.
Die bekroonde Suid-Afrikaanse aktrise Kim Engelbrecht (Reyka) sluit in die tweede seisoen by die rolverdeling van dié trefferreeks aan. In die nuwe seisoen moet Mother en Father saam met hul kroos van ses mensekinders by ’n nuutgevormde ateïstiese kolonie in Kepler-22b se geheimsinnige tropiese sone aansluit. Maar om hierdie vreemde nuwe samelewing uit te pluis, is net een van die uitdagings wat op hulle wag.
Raised by Wolves is vir verskeie toekennings benoem en is deur Inverse bestempel as “Ridley Scott se beste wetenskapfiksie sedert Alien…daar is geen TV-reeks soos dit nie.”
Stroom die eerste drie episodes op 4 Februarie, met nuwe episodes elke Vrydag tot 25 Maart. Die volledige eerste seisoen is ook op Showmax beskikbaar.
