Elke maand bring ons vir jou ’n opsommende voorskou oor al die drama, smart en skandale waarna jy op kykNET&kie se se eerste Brasiliaanse telenovela, Plaas van passie, wat na Afrikaans oorgeklank is, kan uitsien.
Dinsdag, 1 Julie
Petra gaan na Helio in die gastehuis en soen hom. Luigi soek na haar en neem ʼn video wat hy dan in sy woede aan Antônio en Irene wys, terwyl Petra probeer verduidelik.
Woensdag, 2 Julie
Ernesto word deur Martino gearresteer omdat hy na bewering gepeuter het met die remme van die kar waarin Daniel verongeluk het. Antônio vertel vir Agatha dat hy steeds vir haar lief is.
Donderdag, 3 Julie
Marino dring dat Graça sy aanbod te aanvaar om ʼn pa te wees vir haar ongebore kind. Graça vertel almal dat Daniel die pa is, terwyl sy probeer wegsteek dat Marino die pa is.
Maandag, 7 Julie
Dalva is die enigste getuie van ʼn moontlike sluipmoord op Evandro. Graça se baba word gebore en dit gons oor hoekom Marino die een is wat vir Graça hospitaal toe gevat het.
Dinsdag, 8 Julie
Ademir en Flor belowe trou aan mekaar, gevolg deur ʼn groot makietie. Agatha en Antônio deel ʼn teer oomblik, wat lelik onderbreek word deur Irene. Dalva ontwaak uit haar koma.
Woensdag, 9 Julie
Dalva bieg dat Jonatas die een was wat haar man betaal het om Daniel se kar te saboteer. Die strop trek al nouer om Agatha, maar sy wriemel haar telkens daaruit.
Donderdag, 10 Julie
Vinicius stel ʼn vennootskap voor vir Aline, maar sy het haar bedenkinge. Jonatas vergewe vir Agatha.
Maandag, 14 Julie
Petra se toestand versleg. Dit lei tot ʼn ongeluk wat niemand kon voorsien het nie. Sy herken Franco se pa uit haar verlede en probeer wraak neem.
Dinsdag, 15 Julie
Marino bring vir Helio om met Petra te gesels ná die vorige dag se skietery. Luigi probeer sy verhouding met Anely beëindig.
Woensdag, 16 Julie
Irene probeer Antonio oortuig dat Agatha daarop uit is om wraak te neem. Caio and Jonatas help Marino om Sidney vas te trek terwyl Aline vir Caio wag om dokumente deur te gaan.
Donderdag, 17 Julie
Petra en Luigi bieg dat hulle ontrou aan mekaar was en besluit om uitmekaar te gaan. Antônio sê vir Agatha sy is steeds die vrou van sy lewe, maar hy het tyd nodig om oor Irene te besluit.
Maandag, 21 Julie
Die klante by Candida se kroeg ontdek Nice se lyk in haar kar voor die kroeg. Niemand weet wie haar geskiet het nie. Marino begin die kroegwerkers ondervra oor Nice se heimsinnige lewe.
Dinsdag, 22 Julie
Gladys vra Mara om die kameramateriaal van die tyd toe Andrade daar gewerk het te hersien. Uiteindelik bewys die beeldmateriaal Andrade se onskuld en hy word weer in sy pos aangestel.
Woensdag, 23 Julie
Irene word ernstig deur Agatha geteister. Skokkende nuus word links en regs uitgedeel, plannetjies word beraam, en Irene behaal dan ʼn groot oorwinning.
Donderdag, 24 Julie
Lucinda smeek Marino om te bly en verklaar haar liefde aan hom. Irene reël ʼn ete vir haar en Antônio se huweliksherdenking en sy gee vir hom die titelakte van Aline se grond.
Maandag, 28 Julie
Rodrigo gaan ʼn kriminele saak oopmaak teen Vinicius en Aline vir diefstal. Ramiro word gestuur na Aline om haar te seer te maak. Aline wil die verhouding met Caio verbreek.
Dinsdag, 29 Julie
Ruan herken vir Agatha in die kroeg en gebruik dadelik die geleentheid om haar te probeer afpers. Tadeu konfronteer vir Anely en smeek haar om die geld wat hy vir haar gegee het, terug te gee.
Woensdag, 30 Julie
Petra het ʼn ineenstorting en word amper in die hospitaal opgeneem nadat sy in Helio se kamer inloop en een van die prostitute in sy bed kry. Caio is besorg oor Petra se geestesgesondheid.
Donderdag, 31 Julie
Lucinda vertel vir Graca sy het uitgevind Marino is baba Daniel se pa en sy moet die waarheid vertel. Tadeu oortuig vir Berenice dat hulle ʼn fortuin kan maak as sy haar eie webtuiste het.
Plaas van passie word Maandae tot Donderdae om 20:00 op kykNET&kie (DStv-kanaal 145) en DStv Stream uitgesaai. Dit is ook ná uitsending op Catch Up beskikbaar.
