Elke week bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovela, wat na Afrikaans oorgeklank is, kan uitsien. Hier is wat hierdie week op Moederhart gaan uitspeel.
Maandag, 26 Augustus
Kemal vermoed dat Muzaffer weet waar Nefise is, en beplan om haar te skuif. Zeynep is bitsig met Kartal en Onur se mediakonferensie ontaard in chaos.
Dinsdag, 27 Augustus
Suat kom op Muzaffer af wat ’n wapen op Kemal rig en vertel vir Asya en Emre daarvan. Kemal skrik en probeer Nefise elders neem.
Woensdag, 28 Augustus
Nejat is kwaad omdat Mine nie meer met hom wil trou nie. Hy probeer haar dwing om saam met hom te kom, maar word deur die bure weggejaag.
Donderdag, 29 Augustus
Suna en Mine trek in die anneks in en Lutfi is meer as gelukkig om in die hoofhuis in te trek. Ahmet probeer om Cemre te kry om na sy huis toe te kom, maar Zeynep steek ’n stokkie daarvoor.
Moederhart word Maandae tot Donderdae om 20:00 op kykNET&kie (DStv-kanaal 145) en DStv Stream uitgesaai. Dit is ook ná uitsending op Catch Up beskikbaar.
