Elke week bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovela, wat na Afrikaans oorgeklank is, kan uitsien. Hier is wat hierdie week op Moederhart gaan uitspeel.
Maandag, 30 September
Cemre glo uiteindelik dat Kartal werklik Ahmet is. Ahmet bel vir Zeynep en sê hy sal vir Cemre laat gaan.
Dinsdag, 1 Oktober
Cemre vra uiteindelik vir Zeynep om verskoning. Asya daag by die villa op en eis ’n verduideliking van Nefise oor hoekom sy gevlug het.
Woensdag, 2 Oktober
Asya vertel vir die polisie dat Nefise in die kar saam met Kemal was. Nefise probeer vrede maak met Muzaffer, maar hy jaag haar weg.
Donderdag, 3 Oktober
Nesife is lugtig om vir almal te vertel wat met haar en Kemal gebeur het. Muzaffer is verpletter deur die nuus oor wie sy verlore seun is.
Moederhart word Maandae tot Donderdae om 20:00 op kykNET&kie (DStv-kanaal 145) en DStv Stream uitgesaai. Dit is ook ná uitsending op Catch Up beskikbaar.
