TV- en radiolegende Rian van Heerden is op soek na Suid-Afrika se ware “karakters” in dié kykNET-reeks oor mense wat die lewe op horings neem en volgens hul eie reëls lewe.
“Dikwels is al wat ons oor hierdie mense weet bloot gerugte, leuens en ander mense se opinies en persepsies,” sê van Heerden.
In Karakter ontmoet hy mense soos ’n voormalige nudis wat met haarself trou, ’n prediker-krokodilboer, en ’n man wat ry op ’n driewielmotorfiets met ’n kis daaraan vasgemaak. In elke episode probeer Van Heerden dié mense en hul stories verstaan, asook om vir hulle ’n kans te gee om hul eie verhale te vertel.
Genre: Realiteitsreeks
Regisseur: Deon Potgieter
Aanbieder: Rian van Heerden
