Elke week bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovela, wat na Afrikaans oorgeklank is, kan uitsien. Hier is wat hierdie week op Moederhart gaan uitspeel.
Maandag, 8 Julie
Ahmet trek Cemre diep in sy web van bedrog in. Muzaffer sê vir Nefise dat Emre sy houding sal verander.
Dinsdag, 9 Julie
Muzaffer nooi Nefise, haar kinders en Azime vir ete. Zerrin daag ongenooid op en Onur kondig aan dat hy en Zeynep gaan trou.
Woensdag, 10 Julie
Tugba luister af terwyl Nefise en Azime oor hul ander donker geheim gesels. Azime ontmasker Tugba se fop-swangerskap voor almal.
Donderdag, 11 Julie
Tugba vis uit by Kemal oor Nefise se verlede en konfronteer Nefise.
Moederhart word Maandae tot Donderdae om 20:00 op kykNET&kie (DStv-kanaal 145) en DStv Stream uitgesaai. Dit is ook op Catch Up beskikbaar.
