Hier is ’n voorsmakie van wat jy hierdie maand in Diepe Waters kan verwag.
Woensdag, 1 Mei 2024
Tshepo is vasbeslote om vir Mohavi te red – ten koste van sy drome. Lettie besluit om vir Lettie’s Keffie te veg. Gys se wêreld stort ineen.
Donderdag, 2 Mei 2024
’n Onthulling ontwrig die Swarts-huishouding. Lettie heropen haar keffie te midde van gemengde emosies. Mohavi maak gereed vir ’n transformerende gebeurtenis terwyl Tshepo interne konflik in die gesig staar.
Maandag, 6 Mei 2024
Gys neem ’n skokkende stap teen Lettie se restaurant. Charity het min geduld met Arno se verslawing. Tshepo ontvang tragiese nuus.
Dinsdag, 7 Mei 2024
Zelda is bekommerd oor Arno. Rossouw se posttraumatiese stresversteuring vlam weer op. Die bron vir die raaiselagtige siekte wat die swemmers teister, kan dalk reg onder hul neuse wees.
Woensdag, 8 Mei 2024
Henry word blameer vir die swembad se swak higiëne. Ben en Sanet ontvang baie onverwagse nuus. Tshepo rou en haal sy frustrasies op Gys uit.
Donderdag, 9 Mei 2024
Martha probeer Tshepo help met sy besluit oor sy toekoms. Anja is bekommerd oor Rossouw se nuwe energie, maar gaan Pam sy plan in elk geval oorneem?
Maandag, 13 Mei 2024
Rossouw se sake-onderneming beland in die verkeerde hande. Sanet raak betrokke in ’n sluipende magspel om Boskruin-gemeente die oorhand te gee.
Dinsdag, 14 Mei 2024
Henry en Lettie vind bewyse dat Henry onskuldig is, maar sal Gys dit glo? Sanet en Ria se stryd bereik kookpunt. Rossouw en Karla probeer vrede maak.
Woensdag, 15 Mei 2024
Wim spreek sy kommer uit oor die huwelikskursus wat Rose bespreek het. Rossouw ontken sy trauma. Sanet is opgewonde oor die konsert.
Donderdag, 16 Mei 2024
Wim is versigtig rondom hul huis se sekuriteit. Gys verwerp Rossouw se sakeplan. Zelda kry iets van waarde in die hande.
Maandag, 20 Mei 2024
Karla se liefdeslewe word beproef. Charity en Pam betree ’n besigheidsooreekoms. Rossouw se geestesgesondheid is in flarde.
Dinsdag, 21 Mei 2024
Die interklub-gala is in volle swang. Rose het ’n dramatiese ontmoeting met iemand uit haar verlede. Rossouw probeer sy pa se goedkeuring terugwen.
Woensdag, 22 Mei 2024
Damian neem kennis van hoe goed Nina swem. Rose maak nog ’n onstellende ontdekking. Zelda stel ’n sakegeleentheid aan Rossouw voor.
Donderdag, 23 Mei 2024
Rose en Wim betrek die polisie ná die aanvalle op hulle. Rossouw neem ’n groot stap wat Gys ontstel. Karla is toenemend onseker oor Arno.
Maandag, 27 Mei 2024
Gys is geïrriteerd oor Zelda en Rossouw se vennootskap. Sanet vind uit wie die e-pos oor Ben gestuur het. Karla het ’n moeilike besluit om te maak.
Dinsdag, 28 Mei 2024
Anja se kommer oor Rossouw groei namate hy erkenning by Zelda vind. Die De Wets se sluipjagter teister hulle nogsteeds..
Woensdag, 29 Mei 2024
Die De Wet-familie is hoogs verontrus as hulle uitvind wat die indringer vir Nina gelos het. Sanet blaas die oorlog tussen haar en Ria verder op.
Donderdag, 30 Mei 2024
Rose en Speursersant Ferris probeer spoedig vordering maak met die ondersoek. ’n Onwelkome gas maak ’n verskyning by Rossouw se bekendstelling.
Kyk Diepe Waters Maandae tot Donderdae om 18:30 op kykNET (DStv-kanaal 144, ook aanlyn op DStv Stream). Dit is ook op Catch Up beskikbaar.
