Hier is ’n voorsmakie van wat jy hierdie maand in Diepe Waters kan verwag.
Dinsdag, 1 Oktober
Theresa word geteister deur iemand uit haar verlede. Charity stel die man in haar lewe aan Anja en Rossouw voor. ’n Geheimsinnige vrou klop by die Swartmarlyne se deur aan.
Woensdag, 2 Oktober
Lucas en René stamp koppe oor sy toekoms. Theresa en Jacques is op soek na bewyse om hul senuwees te kalmeer. Shane en Charity se verhouding staan voor ’n kruispad.
Donderdag, 3 Oktober
Jacques is gereed om Theresa te beskerm. Karla en Lucas se band versterk. Anja is bekommerd oor beide Charity en Sanet.
Maandag, 7 Oktober
Sanet is steeds te neerslagtig oor Wim se dood om by Anja se trouplanne betrokke te raak. Lucas en René sit vas oor sy oefenprogram. Shane probeer Charity oortuig om met sy ouers te praat.
Dinsdag, 8 Oktober
Karla deel amper Sanet se geheim met Anja. Anja moedig Charity aan om Shane se ouers ’n kans te gee. Jacques is bekommerd oor Theresa se vertraagde aankoms.
Woensdag, 9 Oktober
Jacques jaag vir lewe en dood. Karla wil Lucas help om sy vrees te oorkom. Anja probeer Sanet opbeur.
Donderdag, 10 Oktober
Anja voel seergemaak omdat Sanet nie saam met haar opgewonde is oor haar troue nie. Jacques en Theresa voel gefrustreerd wanneer die dreigemente nie ophou nie.
Maandag, 14 Oktober
Lucas maak ’n deurbraak in die water. Charity gee vir Shane ’n tweede kans. ’n Onwelkome besoeker daag by Theresa se voordeur op.
Dinsdag, 15 Oktober
Gys deel ’n opwindende aanbod met Lucas en René, maar sy plan tref ’n spoedwal. Iemand het donker wraakplanne – sal die slagoffer oorleef?
Woensdag, 16 Oktober
Jacques se skuld vreet aan hom. Gys het nuus vir René en Lucas. Charity en Shane se nuwe verhouding word getoets.
Donderdag, 17 Oktober
René en Lucas maak hulle tuis in die Swarts-huis. Gys moedig vir Lucas aan om groter te droom.
Maandag, 21 Oktober
Gys stel René aan die swemmers voor. Sanet word aan Wim herinner en loop by haar AA-vergadering uit. Charity smeek iemand om van hul soen te vergeet, maar hy bely sy liefde.
Dinsdag, 22 Oktober
Charity stoei met haar emosie en neem ’n moeilike besluit. Lucas beleef ’n groot terugslag in die swembad. Zelda het ’n idee wat Sanet se gemoed kan lig.
Woensdag, 23 Oktober
Sanet is bekommerd oor haar geheueverlies. Karla is bekommerd dat Gys met Lucas se kop smokkel.
Donderdag, 24 Oktober
Sanet ontvang nog slegte nuus. Spanning tussen Jacques en René bou.
Maandag, 28 Oktober
Sanet gee die eerste tree terug na haar ou lewe, maar ’n figuur in die skaduwees dreig om haar vordering te verpletter.
Dinsdag, 29 Oktober
Lucas is nog steeds kwaad vir Karla. Net wanneer Sanet dink dat sy alles onder beheer het, gebeur daar iets onverwags.
Woensdag, 30 Oktober
Boskruin leef in spanning oor Sanet. Pam bring vir Lettie belangrike nuus oor die kos resensent. Anja en Jacques dink René raak te groot vir haar skoene.
Donderdag, 31 Oktober
Rossouw probeer Anja se kommer oor René met Gys deel. Ná ’n moeilike dag van oefening tree Juvan in as ’n vriend vir Lucas. Magda oortuig Sanet om haar die waarheid te vertel.
Kyk Diepe Waters Maandae tot Donderdae om 18:30 op kykNET (DStv-kanaal 144, ook aanlyn op DStv Stream). Dit is ook op Catch Up beskikbaar.
