Hier is ’n voorsmakie van wat jy hierdie maand in Diepe Waters kan verwag.
Maandag, 3 Februarie
Lucas is steeds nie by die huis nie. Nelius is woedend omdat René nie sy oproepe beantwoord nie.
Dinsdag, 4 Februarie
’n Groot soekgeselskap is aan die gang om Lucas te vind. Rossouw wys vir Sanet sy gimnasium.
Woensdag, 5 Februarie
Rossouw trek uit Sanet se huis. Nina is baie kwaad oor die min ondersteuning wat sy ontvang.
Donderdag, 6 Februarie
Lucas bly vermis. Henry ontdek iets vreesaanjaend, en René vind troos in iemand se arms.
Maandag, 10 Februarie
Karla en Juvan besluit om Lucas se soektog in eie hande te neem. Daar is spanning tussen Gys en René…
Dinsdag, 11 Februarie
Gys speel ’n gevaarlike speletjie. Karla en Juvan voel hulpeloos. Lucas hou moed, ondanks sy verswakte toestand.
Woensdag, 12 Februarie
Karla kan nie glo wat sy sien nie. Sanet gee vir Rossouw ’n nuwe idee vir sy oefenprogram. Gys maak ’n belangrike aankondiging.
Donderdag, 13 Februarie
Pam stel voor dat Rossouw ’n make-over kry. Zelda sê vir Gys sy wil oor ’n paar weke trou. Lucas word wakker.
Maandag, 17 Februarie
René probeer hard om haar kant van die storie aan Lucas te verduidelik. Rossouw word deur Pam en Theresa verras.
Dinsdag, 18 Februarie
Zelda gaan voort met haar trouplanne. Dinge tussen Lucas, René en Nelius bly gespanne.
Woensdag, 19 Februarie
’n Donker geheim uit Zelda se verlede kom spook by haar. Lucas skraap die moed bymekaar om ’n moeilike gesprek met Juvan te hê.
Donderdag, 20 Februarie
Gary plaas druk op Zelda. Lucy vind uit oor Rossouw se verlede. Juvan wil vir Karla uitvra.
Maandag, 24 Februarie
Juvan probeer om vir Karla uit te vra. Rossouw en Lucy is weer in mekaar se spasie. Zelda is bang Gary weet te veel.
Dinsdag, 25 Februarie
Gary kry ’n skok wanneer hy by Zelda se kantoor opdaag. Lucy en Rossouw beweeg nader aan mekaar.
Woensdag, 26 Februarie
Sanet hoor van Rossouw se nuwe vriendin. Karla stem in tot ’n aand uit met Juvan. Gary kry die bewyse wat hy nodig het.
Donderdag, 27 Februarie
Karla en Juvan gaan saam uit, en Lucas voel jaloers. Zelda mis amper Pam se verrassing.
Kyk Diepe Waters Maandae tot Donderdae om 18:30 op kykNET (DStv-kanaal 144, ook aanlyn op DStv Stream). Dit is ook op Catch Up beskikbaar.
