Februarie gaan ’n maand vol spanning en verrassende onthullings wees – hier is vyf belangrike Diepe Waters-storielyne om dop te hou:
1
Die soektog na Lucas duur voort
Met elke dag wat verbygaan, styg die emosionele spanning. Almal is baie bekommerd oor Lucas, en Karla en Juvan besluit om ’n soektog op hul eie aan te pak. Maar wag daar net tragedie?
2
Spanning loop hoog
Soos die maand verloop, vryf René en Nelius mekaar verkeerd op. Intussen speel Gys ’n gevaarlike speletjie nadat iets gebeur het wat groot gevolge kan hê.
3
Liefde en jaloesie
Hoewel Karla reeds besluit het hoe sy oor Juvan voel, keer dit hom nie om steeds sy bes te probeer om haar guns te wen nie. Zelda se trouplanne begin vorm aanneem, maar nie almal deel in haar opgewondenheid nie.
4
Geheime word ontbloot
Asof daar nie onlangs genoeg bekentenisse was nie, word nog geheime onthul. Hierdie keer is dit iets uit Zelda se verlede wat kom spook…
5
’n Nuwe begin
Rossouw het lank gesukkel om oor Anja te kom en vrede te maak met die feit dat hy haar vir altyd verloor het. Hy besluit om ’n nuwe begin te maak, wat ’n leefstyl-transformasie behels. Maar Pam en Theresa het ander planne vir hom – planne wat almal se koppe gaan draai!
Kyk Diepe Waters Maandae tot Donderdae om 18:30 op kykNET (DStv-kanaal 144, ook aanlyn op DStv Stream). Diepe Waters is ook op Catch Up beskikbaar.
