Maak gereed vir ’n April vol drama en geheime! Van onverwagte waarhede tot verhoudings wat wankel, hier is die vyf storielyne wat jy nie vandeesmaand in Diepe Waters wil misloop nie.
1
Zelda se donker geheim
Zelda stel al haar vertroue in Kelsey… totdat ’n skokkende geheim haar wêreld omkeer en sy voor ’n donker keerpunt te staan kom.
2
Pam ontvang skokkende nuus
Terwyl sy haar ma se situasie moet hanteer, ontvang Pam skokkende nuus wat haar wêreld onherroeplik verander en haar dwing om moeilike besluite te neem.
3
Gys en René se kompliseerde verhouding
Namate hulle nader aan mekaar groei, vervaag die grense tussen dié twee ‘vriende’. Dít lei tot onverwagte en gekompliseerde gevolge.
4
Fourie se verlede herleef
Sanet en Fourie se verhouding word herhaaldelik ontwrig danksy Bianca. ’n Geheim wat lank weggesteek is, word ontbloot as Bianca ou bande probeer herstel en Fourie uiteindelik uitvind hoekom sy hom jare gelede gelos het.
5
’n Koninklike verrassing
Net wanneer dinge nie meer chaoties kan raak nie, ontvang die Swartmarlyne ’n onverwagse besoek… van ’n prins!
Kyk Diepe Waters Maandae tot Donderdae om 18:30 op kykNET (DStv-kanaal 144, ook aanlyn op DStv Stream). Diepe Waters is ook op Catch Up beskikbaar.
