And Just Like That is die nuwe hoofstuk van die baanbrekende HBO-reeks Sex and the City deur die uitvoerende vervaardiger Michael Patrick King. Die tweede seisoen het pas op DStv begin. Die eerste seisoen is reeds op Showmax beskikbaar om te stroom.
Die reeks volg weer Carrie (Sarah Jessica Parker), Miranda (Cynthia Nixon) en Charlotte (Kristin Davis) se lewe in die Groot Appel. Die keer is hul egter effe ouer… Hulle is wel steeds besig om die ingewikkelde realiteite van die lewe, liefde en vriendskap te hanteer. Dit blyk dinge is nié duideliker, makliker of eenvoudiger nou dat hulle in hul vyftigs is nie!
Daar was heelwat omstredenheid oor een van die oorspronklike karakters, Samantha (Kim Cattrall) wat nie vir die spin-off teruggekeer het nie. Sy is egter te sien in die nuwe seisoen – helaas in die heel laaste episode vir in ’n blitsvinnige toneel.
Ook in die rolverdeling van And Just Like That is Sara Ramírez, Sarita Choudhury en Nicole Ari Parker.
Weeklikse episodes van die tweede seisoen vanaf Maandag, 17 Julie 2023, om 21:00 op M-Net (DStv-kanaal 101 en aanlyn). Die eerste seisoen is op Showmax beskikbaar om te binge.
